مقالات و آراء

  • حضرت زہرا(علیھا السّلام) حکومتِ وقت کے روبرو کیوں ہوئیں؟

  • آخر امير المومنين(ع) نے حضرت زہرا(ع) کو ان لوگوں کے  روبرو کيوں کيا؟ اور خود ان کا سامنا نہيں کيا؟ خدا رحمت کرے ہمارے استاد شہيد سيد محمد باقر صدر پر اپنی کتاب "ائمة اھل البيت و دورھم في تحصين الرسالة الاسلامية” ، امام شہيد صدر (رہ) کے مجموعہ آثار کى جلد نمبر  20 ، ص223  پر”انحراف کے مقابلے ميں علوى موقف”  کے ذیل میں فرماتے ہیں وہ انحراف جو رسول اللہ (ص)کے بعد سقيفہ ميں رونما ہوا امير المومنين(ع) نے جب اس عملى انحراف کا پيغمبر (ص) کى وفات کے بعد سامنا کيا  تو مسلمانوں کى رائے عامہ کو بيدار کرنے ميں مشغول ہو گئے يعنى کيا؟ يعنى ان کو آگاہ کريں کہ غدير خم کا واقعہ سقيفہ بنى ساعدہ کى تحريک کا مخالف تھا ۔

    آج کى اصطلاح کے مطابق، نہ يہ مسلحانہ اقدام تھا اور نہ ہى دہشت گردى پر مشتمل تھا بلکہ پر امن طريقے سے تھا۔ اور يہى اہل بيت(ع) کى روش تھى کہ وہ مسلحانہ فعاليت نہيں کرتے تھے۔  بلکہ امّت کو آگاہ کرتے تھے تاکہ لوگ خود ناجائز حکومت کو نابود کر ديں ۔ يہ نئى صورتحال، غير فطرى اور راہ اسلام سے مںحرف تھى اور امام(ع) نے اس راہ ميں دخترِ رسول اللہ(ص) سے مدد لى کيوں؟ کيوں رسول اللہ کى بيٹى(ع) کو سامنے کيا؟ تاکہ مسلمانوں کے احساسات و جذبات کو ابھارا جا سکے۔  چونکہ لوگ ان سے عقيدت رکھتے تھے، ہم نے ابن ابى شيبہ کى "مصنّف” ميں يہ پڑھا کہ عمر نے حضرت زہرا(ع) سے کہا : ہمارے نزديک آپ(ع) کے والد گرامى(ص) کے بعد آپ سے بڑھ کر کوئى محبوب نہيں ہے۔ حتى اگر وہ اس بات ميں صادق نہيں بھى تھا ليکن مجبور تھا  کيونکہ آپ (ع) رسول خدا(ص) کى دختر تھيں۔ حتى اب بھى عربوں کى ثقافت ميں اور ديگر ثقافتوں ميں خواتين کا خصوصى احترام کيا جاتا ہے۔ عبارت پر غور کريں، خواہ اس نے سچ کہا ہو يا جھوٹ کہا: ہمارے نزديک آپ (ص) کے والد گرامى(ص) کے بعد آپ سے زيادہ کوئى محبوب نہيں ہے۔

    پس امير المومنين (ع) نے مسلمانوں کو متاثر کرنے کے ليے اس ثروت اور احساسات و جذبات کے عظيم سرمائے سے استفادہ کيا۔ فرماتے ہیں : مسلمانوں پر رقت طارى کرنے کے ليے ايسے احساسات و جذبات جو اس عزيز ترين ہستى سے مربوط تھے جن سے لوگ محبت کرتے تھے اور جن کى تکريم کيا کرتے تھے اور يقينا وہ پيغمبر گرامى(ص) کى ہى شخصيت تھى۔ ليکن امير المومنين (ع) حضرت زہرا(ع) سے محروم ہو گئے !! اس کشمکش سے کيا لوگوں کے مردہ دل متاثر ہوئے يا نہيں؟ کہتے ہيں: نہيں! اس کا اثر نہيں ہوا بلکہ على(عليہ السّلام) حضرت زہرا (عليھا السّلام) سے محروم ہو گئے اور مسلمانوں کو اس قدر متحرّک کرنے ميں کامياب نہيں ہوئے کہ لوگ اس سياسى تجربے کا راستہ بدل ڈالتے اور حکومتى نظام ميں کوئى بنيادى تبديلى پيدا کر ديتے ۔

     

     

     

    • تاریخ : 2016/12/28
    • صارفین کی تعداد : 36

  • خصوصی ڈیڈیوز

  • مرکز کے بارے میں

    امام جواد(علیہ السّلام) فکری و ثقافتی انسٹی ٹیوٹ کو عرصہ دراز سے حضرت آیت اللہ العظمٰی سید کمال حیدری (حفظہ اللہ) کی آفیشل ویب سائیٹ کے امور چلانے کا اعزاز حاصل ہے۔ یہ انسٹی ٹیوٹ ویب سائیٹ کی دیکھ بھال کے علاوہ آپکے تمام تحریری، آڈیو اور ویڈیو آثار کو محفوظ کرنے اور شائع کرنے کا بھی ذمہ دار ہے۔ اس حوالے سے متعدد افراد فعالیت انجام دے رہے ہیں ...

    رابطے کی معلومات

    •  خیابان سمیه ـ کوچه 12 ـ پلاک 359 
    •  00982537834289 - 00982537740180 
    •  8 – 14 بوقت تهران